泰.夯蝦 (諾士佛臺) (Closed)

今次第一次食、時間由7:00-9:30。我哋準時7:00到、都快就安排到位。係疫情下、入店前基本三部曲- 洗手、戴口罩及量體溫。再加上蒸衫😅入到店、店員都會俾一個冰桶用嚟整暈啲蝦用。另外會俾一盤已經加埋鹽嘅蝦俾你。基本上蝦都新鮮、有大有細. 海鮮仲有象拔蚌仔、蜆同帶子； 有雞腎、雞翼、丸、腸等。飲品任飲同有少少熟食；我哋掛住食海鮮、其他只係試咗幾隻雞翼同幾串串燒...都ok 嘅唯一唔好的地方就係嗰爐比較慢同好準時咁交枱。要密密燒、如果諗住一邊傾一傾食就要考慮清楚了。我哋見仲有15分鐘先交枱、就燒多幾隻（4隻）蝦食、但一個類似老細嘅人行埋嚟講咗句 ’乜你哋仲燒架‘...😧吓？仲有15分鐘先够鐘交枱喎....所以我哋未理佢繼續燒...最後我哋都準時交枱。不過、聽到嗰’老細‘咁講、就扣咗好多分.....我明白佢哋想返枱、但佢可以用另一種講法咁我哋會舒服啲囉～整體來講、呢嗰價錢還可以、但食得好趕.....