School Food (Closed)

係情人節的tea time 去依間沙田分店食野，慶幸唔洗等位，當時人數不算多。食物質素同平時一樣。問題只係埋單果陣...但我忘了影底張收據，都講一講。 我張單Total HKD260.7, 我俾HKD500銀紙找錢， 個戴眼鏡waiter 找錢俾我HKD39.3, 少左200蚊，於是我望望會唔會跌左落地下... 無。 然後叫返果個waiter 同佢講找少左錢，佢咁答我"得喇！"...1秒時間轉身走左。 心諗唔洗當面睇返佢俾幾多錢我咩，咩事要咁態度，我見找少左錢時我都驚架，因為waiter 就咁放低d 錢，用本黑色野夾住，又無望住我拎錢，當時怕佢唔認數咁點算... 我無咁的經驗，其實應該純粹找錯錢... 但我哥話，佢係咪故意...自己袋左200蚊... 我就唔知啦。 如果佢講一句"唔好意思" 我諗我地都唔會咁諗多左... 又或者佢放底錢後先回想起找少左錢。最後找啱左。大家找錢時記得睇清楚。