Video
Read full review
2018-03-23
512 views
今日專登嚟到長沙灣同朋友食晚餐，佢就揀左呢間餐廳，門口相比隔嚟啲舖份外有格調。以為係長沙灣區一間地區小舖，入到嚟估唔到都幾大吓。有六款晚餐，應該係每日都會更新。頭盤有三款，我哋就食左兩款。輕煎帶子紅菜頭香橙櫻桃茄沙律伴柚子汁 - 個名好長呀，哈哈！帶子有三粒，微微封煎，裏面仲係鮮嫩軟滑，唔錯。香煎鵝肝多士配青蘋果沙律 – 食唔到有青蘋果喎，多士香脆再加上鵝肝甘香，味道好夾，有啲清新蘋果蓉，唔會覺油膩。椰菜花忌廉湯配蒜蓉包 - 椰菜花味道偏淡，反而更似薯仔湯味道。招牌葡萄牙烤28日乳豬配黃薑飯 黑橄欖莎莎 燒汁 - 烤乳豬有四大件，薄薄外皮脆卜卜，掂。肉質好嫩滑，冇羶味。黃薑飯太乾身，而黑橄欖莎莎香氣清新有咬口，好特別。傳統葡萄牙海鮮燴飯 – 海鮮材料都幾多，燴飯有龍蝦汁味，好鮮。Set dinner 個甜品可以去甜品櫃自己揀，今日有六款揀都算多，有驚喜！揀左木糠布甸同Tiramisu～Order完，隔左陣先上枱，原來要扮靚靚。木糠布甸 – 係一大杯，好正。軟滑輕型，甜度適中。Tiramisu – 上面放左塊粉紅色花瓣，側面再有啲糖花做裝飾，係靚喎！甜度都適中，但咖啡味略嫌唔夠濃。最後飲
以為係長沙灣區一間地區小舖，入到嚟估唔到都幾大吓。
有六款晚餐，應該係每日都會更新。
頭盤有三款，我哋就食左兩款。輕煎帶子紅菜頭香橙櫻桃茄沙律伴柚子汁 - 個名好長呀，哈哈！帶子有三粒，微微封煎，裏面仲係鮮嫩軟滑，唔錯。
香煎鵝肝多士配青蘋果沙律 – 食唔到有青蘋果喎，多士香脆再加上鵝肝甘香，味道好夾，有啲清新蘋果蓉，唔會覺油膩。
椰菜花忌廉湯配蒜蓉包 - 椰菜花味道偏淡，反而更似薯仔湯味道。
招牌葡萄牙烤28日乳豬配黃薑飯 黑橄欖莎莎 燒汁 - 烤乳豬有四大件，薄薄外皮脆卜卜，掂。肉質好嫩滑，冇羶味。黃薑飯太乾身，而黑橄欖莎莎香氣清新有咬口，好特別。
傳統葡萄牙海鮮燴飯 – 海鮮材料都幾多，燴飯有龍蝦汁味，好鮮。
Set dinner 個甜品可以去甜品櫃自己揀，今日有六款揀都算多，有驚喜！揀左木糠布甸同Tiramisu～Order完，隔左陣先上枱，原來要扮靚靚。
木糠布甸 – 係一大杯，好正。軟滑輕型，甜度適中。
Tiramisu – 上面放左塊粉紅色花瓣，側面再有啲糖花做裝飾，係靚喎！甜度都適中，但咖啡味略嫌唔夠濃。
最後飲埋餐飲，食飽飽回家去。
Post
