Video
Read full review
2015-10-08
1514 views
上次朋友追女仔吃的那個味之藝術同stack都有不錯的反應，不過他，還未追到佢，於是，繼續搵下有乜食。旺角係甜品集中地，不過都係以平價為多，好少有以高檔格調為主的甜品店，的確，呢度唔係一般的甜品舖應有的格局，唔係糖百府，唔係許留山，呢度係走高檔路線嘅DUOX。上到黎已經感覺完全唔同，好似去左中環咁，極大的空間感，非常cozy，樓底高，裝修簡約，你會覺得好有太空船的感覺，你以為你自己係麥廸文，上左火星做火星人，拍火星任報中。你上到黎會見到呢度嘅客個個叫嘅東西都好精美，全部都出煙，開頭過黎我冇乜點做功課，見到bar枱又出煙又成幅畫係枱好似藝術館咁，不禁驚喜萬分，原來個個就係呢度較出名嘅endless table set。由於時間唔多，最後我同朋友只係坐左普通位置，好彩我地為做功課而黎，唔係拖條女黎乜都唔知，你話幾seven，seven過seven。IPad 的menu，有圖有真相，剛剛說過，如果坐bar枱的話就可以叫個個Endless。一個set 可以包一杯飲品，一個甜品，相對來說，叫set化算好多，如果追女仔，最重要有派頭，好似去酒店見人一枝sparkling 收五六十蚊就水都唔飽，你叫人
旺角係甜品集中地，不過都係以平價為多，好少有以高檔格調為主的甜品店，的確，呢度唔係一般的甜品舖應有的格局，唔係糖百府，唔係許留山，呢度係走高檔路線嘅DUOX。
上到黎已經感覺完全唔同，好似去左中環咁，極大的空間感，非常cozy，樓底高，裝修簡約，你會覺得好有太空船的感覺，你以為你自己係麥廸文，上左火星做火星人，拍火星任報中。
你上到黎會見到呢度嘅客個個叫嘅東西都好精美，全部都出煙，開頭過黎我冇乜點做功課，見到bar枱又出煙又成幅畫係枱好似藝術館咁，不禁驚喜萬分，原來個個就係呢度較出名嘅endless table set。
由於時間唔多，最後我同朋友只係坐左普通位置，好彩我地為做功課而黎，唔係拖條女黎乜都唔知，你話幾seven，seven過seven。IPad 的menu，有圖有真相，剛剛說過，如果坐bar枱的話就可以叫個個Endless。
一個set 可以包一杯飲品，一個甜品，相對來說，叫set化算好多，如果追女仔，最重要有派頭，好似去酒店見人一枝sparkling 收五六十蚊就水都唔飽，你叫人情何以堪。個女性還會為君打開那度門嗎?我意思係追佢那度門。
我們當然要set啦，做一個豪氣的男人，朋友只要要了杯紅茶，我見到隔離女仔叫了杯非常精緻的fruit tea latte，於是也選擇了這個飲品。
當然朋友杯紅茶完全冇特別，只不過你可以將飲品份量加無數熱水，係我個孤乜寒朋友見到我杯飲品後，佢完全後悔，呢杯fruit tea latte完全唔似咖啡，甜甜的味度令我想起京都的那杯green tea latte，當然呢度唔同嘅就係fruit tea而不是綠茶，甜甜的茶和奶的分佈係完美組合，還有的是加上花香點綴，男的也這麼喜歡，女的也怎不心動。
主菜來到，那個樣子精緻得就如在藝術館一樣，如果endless 係羅浮宮裡的Mona Lisa ，當然呢幅也只係一幅相對冇咁靚而又普通的精品。
caramel banana，簡單的名字，不過卻沾上一點的秋意，可能是黃色和啡色的關係吧，甜品由三部分組成。那個主力當然為炸香蕉朱古力蛋糕，表面帶一點點脆脆的外層，裡面是冰冷的感覺，還有那個甜甜的蜂巢雪糕沾上那蛋糕是非常配合，加上在雪糕上的那塊以焦糖為主的藝術品，幾種東西都各自交出了一張漂亮的成績單。如果caramel banana是帶點女性化的藝術品，我會說ruby peach就是一個像園藝般的後現代主義作品，估且我叫佢ruby，ruby肥肥矮矮，並不是一般女仔喜歡的高挑與瘦弱，相反佢就像含苞待放的青春和令你好有興趣揭開裡面的神秘面紗。
其實ruby的真身係一整個慕絲，把其外衣切開，其流心出來的桃子汁紅得絕對惹人注目，中間流出的juicy和圍著的精品黑麥碎，薄荷啫喱，蛋白餅，這所有的配角沾上慕絲是美麗的遇見，呢個味道更出色，更令人愛不釋手。
寫到第三間，我絕對相信這是三間中我最喜歡的一間，其實食左一段時間，其實執筆到呢刻，連朋友都已經追到佢心儀對象，定情地點就係呢間餐廳，吃的就係那個endless，執筆的一刻，我還很想找機會可以吃一次.....我係好喜歡好喜歡呢度，而且希望可以努力用支普通的文筆來大力推薦呢間餐廳。
多得你，我多了一個吃甜品的朋友，但我們倆個男孩研究甜品已經成為了一個習慣，可能都因為你喜歡甜品，可能都因為愛，大概這就是當我變成習慣吧。
Doux
旺角彌敦道726號18樓全層
Post
