Gathering (Closed)

今日約咗兩個好知己入嚟元朗共聚晚餐，朋友話知我山長水遠過到嚟一早就已經book咗一間西餐嘅斧頭扒，我朋友係元朗地膽，佢揀得嘅餐廳我梗係相信佢啦你間鋪頭雖然唔係位於大街，但係轉角位就已經見到，招牌十分之搶眼，喺門口已經覺得佢充滿情調。門口嘅圖案充滿色彩，望見令人舒心。鋪面內既擺設充滿童真，令人心情更顯得愉快餐湯係粟米湯，濃郁嘅粟米香甜，粟米蓉唔會好碎，依然食到有少少粟米嘅肉，而且溫度恰到好處，配上淡淡忌廉既香氣，令人食指大動主角終於出場啦不枉我等左成晚，一上枱果下大家都~嘩嘩大叫～真係好大塊扒呀⋯⋯我咁大個女從來都冇食過咁大件牛扒，今次真係第一次食咋。淨係買相已經冇得輸廚師煮至六成熟，恰到好處，超級厚身，廚師仲會親手幫你切好，育新牛味濃郁，配上特製嘅蘑菇醬，味道更勝一籌仲會有美國嘅馬鈴薯仔，可以中和返個食慾，等我唔會淡淡都係肉食到咁濟😋蒜香炒蝦球，蝦球爽脆彈牙，配上粒粒煙肉，蒜片香脆而且充滿方香嘅牛油香味，味道令人回味，而且配上左幾件充滿香草牛油嘅蒜蓉包，包身鬆脆香口，真係食到停唔到口