小神燈新派飯館 (Closed)

每次去調景嶺附近行山都覺得冇嘢好食，呢間餐館簡直係一間令我驚喜嘅餐廳，見到海鮮價錢都唔太貴，一於嗌來試吓，我哋叫咗瀨尿蝦，東風螺，味道都唔錯。不過最驚喜係鹹蛋黃油炸鬼釀墨魚滑，入口表面好重鹹蛋黃香味，而且油炸鬼卜卜脆，墨魚滑又彈牙，所以真係非常好食。奶油蝦簡直係令我最驚喜，大頭蝦大大隻，而且每隻都好多膏，好香好好味，忍唔住將奶油汁用嚟送飯，因為真係好滋味。最後點咗半隻菜膽雞，份量好多，而且鹹鹹香香好惹味，最好係仲有菜一齊食，最後埋單之前侍應仲有紅豆沙送上，成餐飯令我非常驚喜，呢間餐廳可以話係調景嶺最出色嘅一間飯店，下次行山後可以再嚟食。