德島

Open Now

Now Closed

好少黎天后食野，最近有朋自遠方黎，特別帶佢黎德島飲番杯港式奶茶，德島既奶茶算有保證，專登坐車黎食。奶茶係必點，茶夠曬香，拉到好滑，奶味撞埋一齊係濃郁又香，好正！最中意佢夠熱，食完個飯仲飲到熱辣辣既奶茶係好正。主食推介佢既茶餐，雞扒一丁麵幾抵食！雞扒煎到皮脆肉滑，唔錯！另外加10蚊仲升級餐包做菠蘿油！焗到好香脆好熱，配上兩大舊牛油都係勁邪惡，但我中意！朋友叫左個咖哩雞扒飯，咖哩係接近日式既味道，比較甜，而雞扒都有兩大塊，份量足夠。