營足四季

Open Now

Now Closed

觀塘寫字樓區發現咗一間新開業不久的露營主題餐廳。離地鐵站大約10分鐘，一入到去見到好多露營枱凳，環境大樓底高，播住輕鬆的音樂，餐廳中間有一輛好有型的露營車，好有度假feel。飲吓嘢先青春小蜜桃梳打水加菠蘿汁再溝薄荷糖水和蜜桃糖水，感覺好清新，甜甜酸酸冰冰涼涼。朋友叫左西柚汁梳打，賣相好靚。Tea set Combo雖然等得耐咗少少都係值得的，認真慢工出細貨，setting好靚好有東南亞風味。牛油果沙律先食頭盤，超多的牛油果蓉托底，有蟹籽和香草陪襯，感覺清新舒服。Parma Ham多士Ham卷成玫瑰花形，賣相靚，中間夾住芝士，托底多士香脆。三文魚脆餅三文魚同樣新鮮，跟脆餅好夾得唔錯比較少食，教咗特製醬汁好特別。肉醬批也是新鮮焗起，酥皮好鬆化。肉醬唔會太膩。而且內有乾坤入邊有田螺，提升了鮮味。窩夫配士多啤梨乳酪窩夫有四小塊，雖然普普通通但係個醬汁就一啲都唔簡單了，用咗士多啤梨乳酪，有士多啤梨果肉係入邊，乳酪好綿滑，健康之餘味道相當唔錯。用來點窩夫一流。焦糖布甸賣相非常靚，布甸滑滑彈彈的，焦糖少甜唔會太過分，有一粒好可愛的車厘子做陪襯。非常完美的作結。