Video
Read full review
2021-04-26
1565 views
本身同朋友係將軍澳行完山，佢推薦左我哋去九龍城嘅呢間泰國餐廳。之前喺銅鑼灣食過一次，覺得好似冇乜特別係個湯底唔同啲嘅河咁。但係今次食完真係有啲出乎意料之外。首先就講吓個環境先啦，一行入去望到啲環境佈置，甚至係一張電影嘅海報都可以見到，老闆係真係俾咗心機落去做㗎，佢可以好好咁樣突顯左香港同泰國嘅特色跟住就講吓啲嘢食先，因為我哋有三個人所以就嗌咗三碗船河、一個青木瓜同一個炸豬皮。餐牌我就冇影相曬，不過個青沙律都有跟一杯嘢飲㗎。呢碗睇落清清地嘅，就係清湯酸辣肉碎河。我個人就最鍾意呢碗，因為酸得來又幾清新，唔係一味死酸個隻，好似啲檸檬汁為嘅感覺咁。辣得來啱啱好，唔會話辣到食唔到咁嘅款。跟住就到呢間店嘅主角，昭拍耶船河。船可本身嘅煮法係加左豬血或者牛血，我本身就冇做齊資料蒐集啦，唔知呢間嘅係咩血。但係唔好一聽到個血字就唔敢食，因為湯底食落係完全唔腥，反而有好濃郁嘅香味，再加埋一啲香料其實真係好鬼死正㗎。重點係個湯底飲完唔會太鹹，亦都唔會好似某啲連鎖嘅粉面店，食完會好想飲水，一切都係啱啱好。講吓個面底啊，聽返同行嘅朋友講，呢間嘅粉呢唔係一般嘅泰粉，佢係有啲煙韌咁嘅，可以令到佢浸係湯底唔會好碎，但又
之前喺銅鑼灣食過一次，覺得好似冇乜特別係個湯底唔同啲嘅河咁。但係今次食完真係有啲出乎意料之外。
首先就講吓個環境先啦，
一行入去望到啲環境佈置，甚至係一張電影嘅海報都可以見到，老闆係真係俾咗心機落去做㗎，佢可以好好咁樣突顯左香港同泰國嘅特色
跟住就講吓啲嘢食先，因為我哋有三個人所以就嗌咗三碗船河、一個青木瓜同一個炸豬皮。
餐牌我就冇影相曬，不過個青沙律都有跟一杯嘢飲㗎。
呢碗睇落清清地嘅，就係清湯酸辣肉碎河。我個人就最鍾意呢碗，因為酸得來又幾清新，唔係一味死酸個隻，好似啲檸檬汁為嘅感覺咁。辣得來啱啱好，唔會話辣到食唔到咁嘅款。
跟住就到呢間店嘅主角，昭拍耶船河。
船可本身嘅煮法係加左豬血或者牛血，我本身就冇做齊資料蒐集啦，唔知呢間嘅係咩血。
但係唔好一聽到個血字就唔敢食，因為湯底食落係完全唔腥，反而有好濃郁嘅香味，再加埋一啲香料其實真係好鬼死正㗎。重點係個湯底飲完唔會太鹹，亦都唔會好似某啲連鎖嘅粉面店，食完會好想飲水，一切都係啱啱好。
講吓個面底啊，聽返同行嘅朋友講，呢間嘅粉呢唔係一般嘅泰粉，佢係有啲煙韌咁嘅，可以令到佢浸係湯底唔會好碎，但又唔會太硬。同時，佢配料充足，芽菜就一定有㗎啦，啲豬肉同肉丸呢就不過不失啦，冇乜令我留低深刻嘅印象。但係有種可以食到每一啖都有啲配料嘅感覺，自問貪心嘅我就最鍾意啦！
同啲朋友額外嗌多咗碗炸豬皮，其實本身會碗河都有嘅，如果係就咁食呢脆卜卜得來又唔會話好油，如果係真係湯度食，就會有少少腍身，同有咬口尐。
跟住就到青木瓜沙律啦，有種酸甜辣嘅感覺，上面又曬咗啲花生。辣度呢就高少少，好夠刺激。花生嘅香氣同埋佢原本個醬汁好夾，做開胃小菜都好合適，如果平時想嘆個冇咁罪惡嘅下午茶就好適合嘞。
最後要講埋呢杯龍眼冰，我本身呢就完全冇飲過龍眼冰呢樣嘢嘅，嗌咗嗰陣呢係抱住一種伏就伏啦嘅感覺。
但係點知佢個香甜味真係俘虜咗我，再加埋裏面嘅幾粒圓玉，有得食有得飲，令我覺得物超所值。
如果可以我會再encore，或者你有機會去九龍城探秘嗰陣都不妨留意吓呢間野吖
Post
