小曼谷泰國美食 (Moved) New Location

今日難得嚟到九龍城，就梗係要食泰國菜啦。雖然九龍城有好多間泰國菜，不過呢間就一下吸引左我哋入去。因為門口有好特色嘅裝飾，而且見到裏面有好多客，咁就一於今日黎試吓啦。我哋就叫咗個酸辣魷魚，係用個爐上嘅，咁就可以keep住熱啦。魷魚食落唔會太硬，而且食落感覺好新鮮，有少少酸辣味，襯埋真係滿分呀。跟住我哋仲叫咗個煎荀殻魚，個荀殻魚好新鮮，外面煎得夠晒脆，而入面嘅魚肉又嫩，點埋個汁食好好味啊。我哋仲叫咗一個蟹肉炒飯，個飯炒得夠晒乾身，而且又夠足料。嘢飲方面，我哋叫咗一個椰青波波，同埋一個椰青。椰青波波好特別，出面係椰青肉，而裏面係椰汁，聽講仲係泰國直送過黎嫁。呢間泰國野又好味又抵食，難怪喺咁多餐聽既九龍城都可以屹立不倒啦。