木金餃子製作所

Open Now

Now Closed

之前嚟過一次，店面比較唔同。後尾先知原來佢同另一間餐廳合併咗，所以呢度都有西式意粉可以叫。不過因為今次係專登嚟食餃子，主要都係叫咗水餃同煎餃。雙拼 - 臭臭香茜豚肉餃 & 韓式泡菜豚肉餃 一份有8隻水餃🥟可以自選湯底，今次揀咗南瓜湯，湯底都幾濃郁，感覺好似真係飲緊西式餐湯咁！芫荽嘅味道啱啱好，唔會話太多太勁，搶咗南瓜同其他配料嘅香味。泡菜餃子微辣，食落去啖啖泡菜，但感覺同南瓜湯唔係好夾，用於煎餃會比較適合🤣煎餃 - 黑松露芝士豚肉餃 煎到金黃色，食落都幾脆，炸得岩岩好！咬落去有陣陣黑松露味，而加入芝士令佢個煎餃唔會乾身，幾香口。