Video
Read full review
2022-05-11
387 views
晚市終於開返，可以出街食飯！特登同妹妹book咗鐵板燒。呢間餐廳門口已經好有格調，好鍾意佢嘅裝修風格，好有高級日式感！鐵板燒分別有兩個套餐，我哋選擇咗槐套餐。前菜係昆布豆腐，沙律配芝麻沙律汁。沙律入面有好多款不同嘅蔬菜，全部都好新鮮，配埋芝麻汁，酸酸甜甜好開胃！呢個套餐入面有鮑魚，帆立貝，馬友魚同埋鹿兒島和牛，全部都係我好鍾意食嘅嘢！澳洲鮑魚超大隻，好新鮮，師傅將鮑魚煮成兩食，首先將舞茸菇切碎然後炸，再將鮑魚薄切配紫菜汁，味道好豐富，配埋舞茸菇一齊食，好有口感！然後厚切鮑魚，就用牛油同醬油做醬汁，食鮑魚嘅原味，一次過可以食到兩種唔同嘅感覺，好滿足。帆立貝好大隻，用日本高湯去煮，最特別嘅係仲有膏，第一次食，感覺好新鮮！入面仲有雜菇同埋裙邊，最後師傅配上食用菊花同魚子醬喺上面，好睇又好食！魚方面今日我哋食嘅係本地馬友，師傅先將魚皮用炸嘅做法，然後魚肉就係用蒸焗嘅做法，個種味道係想像唔到嘅咁好食！個皮好香脆，魚肉好鮮嫩，另外魚肉用昆布醃漬過，所以煮嘅時候唔需要加任何調味料，已經好夠味。醬汁方面用咗柚子酸汁同紫菜粉，食完之後仲可以食旁邊嘅龍珠果清味蕾，好貼心！馬來西亞草蝦原來係咁大隻！師傅刀工
特登同妹妹book咗鐵板燒。
呢間餐廳門口已經好有格調，好鍾意佢嘅裝修風格，好有高級日式感！
鐵板燒分別有兩個套餐，我哋選擇咗槐套餐。
前菜係昆布豆腐，沙律配芝麻沙律汁。
沙律入面有好多款不同嘅蔬菜，全部都好新鮮，配埋芝麻汁，酸酸甜甜好開胃！
呢個套餐入面有鮑魚，帆立貝，馬友魚同埋鹿兒島和牛，全部都係我好鍾意食嘅嘢！
澳洲鮑魚超大隻，好新鮮，師傅將鮑魚煮成兩食，首先將舞茸菇切碎然後炸，再將鮑魚薄切配紫菜汁，味道好豐富，配埋舞茸菇一齊食，好有口感！然後厚切鮑魚，就用牛油同醬油做醬汁，食鮑魚嘅原味，一次過可以食到兩種唔同嘅感覺，好滿足。
帆立貝好大隻，用日本高湯去煮，最特別嘅係仲有膏，第一次食，感覺好新鮮！入面仲有雜菇同埋裙邊，最後師傅配上食用菊花同魚子醬喺上面，好睇又好食！
魚方面今日我哋食嘅係本地馬友，師傅先將魚皮用炸嘅做法，然後魚肉就係用蒸焗嘅做法，個種味道係想像唔到嘅咁好食！個皮好香脆，魚肉好鮮嫩，另外魚肉用昆布醃漬過，所以煮嘅時候唔需要加任何調味料，已經好夠味。醬汁方面用咗柚子酸汁同紫菜粉，食完之後仲可以食旁邊嘅龍珠果清味蕾，好貼心！
馬來西亞草蝦原來係咁大隻！
師傅刀工好好，好快咁就將下冊件，然後用蝦頭嘅蝦膏煮成醬汁，鮮味濃郁，蝦肉好結實而且有彈性，冇諗過咁大隻蝦肉質竟然會咁好食，再配上日本青椒仔，係完美嘅配搭。
最後係食鹿兒島和牛，師傅建議七成熟，因為唔會好油，而且食落去會好有油香。
最後炒飯用咗九州蛋同宮崎縣煙肉，簡直係日本版嘅黯然銷魂飯，雖然好飽，但係我都堅持食晒佢，因為真係太好食😋
最後食埋炒雜菜同飲湯，已經非常非常飽，但係仲有甜品。
首先食咗靜岡蜜瓜，蜜瓜好鮮甜，然後師傅用焦糖整咗一個麵包出嚟，再配上拔絲，賣相好靚！整體來講，今餐飯無可挑剔，店員服務好細心，師傅都好用心咁樣煮嘢食同埋講解俾我哋聽，服務同埋食物質素都一流！
Post
