和花亭壽司 (Closed)

尋晚同爸爸去和花亭食dinner...旺角呢間同尖沙咀嗰間一樣...都係要排長龍....期間有個野蠻老人發爛，話等咗半粒鐘都冇得入喎...唓..人人都係咁等啦....狂鬧個知客姐姐仔...真係足成三個字...好煩，最後都係女經理出嚟拆掂....尋晚坐BAR枱...我最like，因為可以一路睇一路食...所以睇到好多好好新穎嘅壽司...例如有個鰻魚卷...啲鰻魚唔係卷喺飯裡面...反而係有一塊都幾大size嘅鰻魚撻喺個壽司卷面，而飯裡面係住芝士同蛋，個份量都好heavy吓....所以我都係鍾意食啲似番壽司嘅壽司...推介 : 三文魚籽海胆軍艦 - 海胆好新鮮，啲三文魚籽粒粒都漲卜卜同冇腥味...唔似有啲壽司店嗰啲咁好似漏氣咁...蛋壽司 - 甜甜的...軟軟的好好味。蟹膏蟹肉壽司 - 啲蟹膏好一流....一個字鮮...yummy!!炸豆腐小食 - 豆腐質地份外滑...仲熱辣辣，正北海道大帶子 - 店內特別推介其實總所有質素都中上，值得一去再去...不過好似食極都唔會飽咁...