Video
Read full review
2022-08-24
289 views
今次一齊食飯嘅朋友係好鍾意打卡類嘅餐廳，所以就揀左前排新開摩洛哥風嘅Subtle Island比佢打下卡😆 Lunchtime可以揀嘅main都幾多，有沙律、包可以選擇，飲品方面都見佢有啲季節限定咖啡豆，不過因為我唔飲咖啡就試唔到了🤷🏻♀️今次叫左海膽忌廉汁扁意粉($158)同軟殼蟹鹹蛋黃忌廉汁意粉($148)，另外大家都叫左杯dirty chocolate(跟餐+$32)餐湯係南瓜忌廉湯，味道比較濃郁，質地都較為濃稠。先上菜嘅係朋友嘅海膽忌廉汁扁意粉，海膽顏色睇落唔太討好，一開始輕嚐，覺得都可以，味道唔腥，但之後可能因為凍左嘅緣故，腥味就出晒嚟，所以建議海膽盡快食晒佢先🤭 忌廉汁意粉味道濃郁，可埃一試，但如果真係好怕海膽中伏嘅話，可以試下其他餐點💁🏻♀️軟殼蟹鹹蛋黃忌廉汁意粉一上到嚟有驚喜，因為估唔到會係原隻軟殼蟹上，其他餐廳都比較少見🦀 軟殼蟹可能因為喺意粉上，多多少少吸左啲濕氣，所以唔算好脆嗰種，但味道可以。鹹蛋黃忌廉汁意粉可以食得出同普通忌廉汁嘅唔同，口感都食到鹹蛋黃沙沙嘅感覺，個人以言鹹蛋黃味可以再濃多少少，但可能係餐廳考慮到太多鹹蛋黃都會令意粉變到好漏。髒髒朱古力雖然好似乾
Lunchtime可以揀嘅main都幾多，有沙律、包可以選擇，飲品方面都見佢有啲季節限定咖啡豆，不過因為我唔飲咖啡就試唔到了🤷🏻♀️
今次叫左海膽忌廉汁扁意粉($158)同軟殼蟹鹹蛋黃忌廉汁意粉($148)，另外大家都叫左杯dirty chocolate(跟餐+$32)
餐湯係南瓜忌廉湯，味道比較濃郁，質地都較為濃稠。
先上菜嘅係朋友嘅海膽忌廉汁扁意粉，海膽顏色睇落唔太討好，一開始輕嚐，覺得都可以，味道唔腥，但之後可能因為凍左嘅緣故，腥味就出晒嚟，所以建議海膽盡快食晒佢先🤭 忌廉汁意粉味道濃郁，可埃一試，但如果真係好怕海膽中伏嘅話，可以試下其他餐點💁🏻♀️
軟殼蟹鹹蛋黃忌廉汁意粉一上到嚟有驚喜，因為估唔到會係原隻軟殼蟹上，其他餐廳都比較少見🦀 軟殼蟹可能因為喺意粉上，多多少少吸左啲濕氣，所以唔算好脆嗰種，但味道可以。鹹蛋黃忌廉汁意粉可以食得出同普通忌廉汁嘅唔同，口感都食到鹹蛋黃沙沙嘅感覺，個人以言鹹蛋黃味可以再濃多少少，但可能係餐廳考慮到太多鹹蛋黃都會令意粉變到好漏。
髒髒朱古力雖然好似乾淨左啲，但係我鍾意佢朱古力唔係淨係得個甜味，而係帶有朱古力嘅苦甘味，再加上上層灑左啲朱古力粉，朱古力粉味道會再苦啲，但變左口味上有層次左，髒髒朱古力推薦！
餐廳環境叫做闊落，枱與枱之間唔算太逼狹，都有幾個打卡位，就算唔想影相，環境望落都高興，叫做喺疫情期間呃下自己有啲旅遊感😆兩個人最後埋單$409，呢個價錢淨睇lunch食物叫中規中矩，但如果鍾意打咭、有情調啲嘅餐廳到可以去下，平日lunch hour唔算好多人，我地坐左三個鐘都無人趕我地走，一細班朋友去聚下都唔錯，而且職員都好友善同會主動協助😚 臨走時見到有客人叫左tea set，職員一攞個三層架出嚟，附近客人即刻羨慕到靜晒，下次可以去試下🤣
Post
