慢煮工業 (Closed)

約左好耐冇見的舊同事食飯兼聚舊，選左呢間餐廳，環境好舒適，燈光有情調，只係餐廳位置比較遠離旺區，第一次去都要花少少時間先搵到。餐具好得意好特別。好似叫菲力牛扒＄９８：好厚件，但唔夠入味，對呢個牛有Ｄ失望，可以再改善下。羊後膝＄９８：好入味，夠淋，唔羶，我地３個都覺得呢個主菜又平又好食，難得食到羊係煮得好食，下次會再黎食。水牛城炸雞(半隻)＄６８：比較細隻，但味道不錯，可惜入邊Ｄ肉比較鞋。黑松露巴馬臣薯條＄３８：由於其中一人唔食芝士，所以我地叫左個醬另外上，但其實平身可能都係拎外上的，薯條入口香脆入味，食到停唔到口，其實如果三五知己來傾計飲下野，呢度都不錯，起碼薯條這個小食又平又好味，可以不斷重叫。整體好滿意，飲酒食野食小食，三五知己聚舊，係一個好選擇。食晚餐又平又抵環境又不錯。