Video
Read full review
2009-12-28
8 views
今日同同事兩人食lunch，之前我地多數食茶餐，今日想食湯麵，但我地最愛既米線執左，唯有另覓新既心頭好，所以黎呢度一試…結果係 - 無下次 狀元手撕雞喇沙濛粉：喇沙唔似喇沙，雞肉唔滑，魚片唔似魚片。一句講晒，食得飽你囉。 餐飲 - 熱檸水：我甚少提餐飲，但今次不得不提！一杯熱檸水入面有三片超薄檸檬，師傅刀功好不在話下，仲要切到好似比人篤過既甘先利害！加上杯熱檸水入面有檸檬洗潔精味…怕怕…服務態度：張卡位好窄，坐四個人真係好迫，如果係多人等位，我地都無怨言，仲會食快d，讓個位出黎比人做生意。但當日，我地要求調位時已1:15pm，有幾張吉左出黎，又見無人等位所以先要求調位，誰知態度同語氣好差既店員表示就算有吉位，到再有客黎都係要貫切佢地既 "卡位一定坐四個人" 既理念，又稱調會好麻煩…等等。我地見一個要求，換來十句抱怨，唯有放棄，望佢地收聲…古惑既餐牌：可能係我中文水平較差，或者佢真係古惑，餐牌寫： "以上配 咖啡或茶
狀元手撕雞喇沙濛粉：喇沙唔似喇沙，雞肉唔滑，魚片唔似魚片。一句講晒，食得飽你囉。
餐飲 - 熱檸水：我甚少提餐飲，但今次不得不提！一杯熱檸水入面有三片超薄檸檬，師傅刀功好不在話下，仲要切到好似比人篤過既甘先利害！加上杯熱檸水入面有檸檬洗潔精味…怕怕…
服務態度：張卡位好窄，坐四個人真係好迫，如果係多人等位，我地都無怨言，仲會食快d，讓個位出黎比人做生意。但當日，我地要求調位時已1:15pm，有幾張吉左出黎，又見無人等位所以先要求調位，誰知態度同語氣好差既店員表示就算有吉位，到再有客黎都係要貫切佢地既 "卡位一定坐四個人" 既理念，又稱調會好麻煩…等等。我地見一個要求，換來十句抱怨，唯有放棄，望佢地收聲…
古惑既餐牌：可能係我中文水平較差，或者佢真係古惑，餐牌寫：
"以上配 咖啡或茶 或 綠茶啫哩冰 (加$5)"
以我既理解係，熱既咖啡或茶，當然係唔洗錢，如果飲綠茶啫哩冰先要加$5。但其實唔係，事實係你要野飲就要加$5！我唔係想同佢討回$5，$5一杯餐飲我比得起，但$5換黎係杯甘既野，條氣有d唔順啫… 仲要個餐牌寫d唔寫d，喇沙湯就跟檬粉，轉其他就要加$5，有d咩轉同加幾錢轉，呢d information全部都係你要問店員先知，好似有d海鮮價甘既feel 囉 …同埋如果我唔問，要到上我先知我食咩粉？好古惑啫
總括而言：你可以用35蚊食其他令你有飽肚感覺既野，無必要黎呢度貼錢買難受。
Post
