簡單廚房 (Closed)

今日又去左朗豪坊,下午茶時間又唔知食咩,咁岩又見到依個好簡單既簡單廚房,係外面睇都好似幾正咁,所以就決定左入去試下.我地一行四個人就入左去,下午茶時間D餐都幾多選擇,我自己就揀左個雞肉菠菜闊麵,味道十分好呀,而且好夠濃,雞肉都唔太硬身,軟軟地幾好味,而且都好多,不過成份野既整體份量就少左,不過下午茶黎講係夠既,下午茶餐仲有野飲送,價錢係依個商場係講算係唔錯嫁。而且服務員既服務同態度完全冇問題,仲好好服務要咩有咩,叫水就有水,上菜都好有禮貌,叫埋單都好快拎張單黎,咩都好快手,後來先知道原來係藝人開既,不過我覺得佢名氣唔夠,如果可以再出名D既應該都吸引到好多人,今次見到佢Dcake都好似好正咁,下次有機會再去就食下佢D CAKE喇。