潮滋味

Open Now

Now Closed

在石門行行下街肚餓，又唔想成日食西餐日本野，一於入去潮滋味食野。侍應好好服務，叫我地坐卡位，又幫我地抹枱。建議我地食小鍋麵（雖然係拉麵）我地叫左一個麻辣小鍋麵餐、南乳雞翼、牛腩腸粉、肉丸湯同埋兩杯凍飲。牛腩腸粉好大碟，牛楠好香，腸粉滑，唔錯。肉丸湯比較遜色、肉丸有魚皮餃嘅味道，湯比較淡似水。南乳雞翼特別好食，雞翼有好香嘅南乳味，脆得來都好入味，瞬間就食晒。最後麻辣小鍋麵，雖然係拉麵，但係個拉麵特別好食，好彈牙，而且裏面嘅肉都係酥脆，仲有娃娃菜，非常足料，好想試多碗。而且，做菜嘅嗰位姐姐行出嚟問我哋好唔好食，非常好客。最後埋單兩個人$200都唔使。真係會去再試多次做菜嗰位姐姐都話嚟緊會出甜品，下次一定要嚟試吓個甜品。