The Grove (Closed)

最近得知土瓜灣新開左一間台式咖啡店，鍾意食台灣嘢嘅我當然唔會錯過啦。首先講吓餐廳嘅環境先，餐廳有用到落地玻璃所以啲光線幾充足，影相來講其實都影得幾靚。之後就講下嘢食啦，介紹下小食先，我覺得餐廳嘅黃金芋圓球畀到驚喜我❤️，咬落去嘅口感夠晒酥脆，而且入面都有少少流心添！我覺得餐廳嘅蔥肉餡餅一樣咁正，入面嘅蔥肉餡夠晒熱辣辣～點埋餐廳特製嘅醬汁，簡直係一個完美嘅配撘。係時候介紹下主食啦，首先介紹嘅就係餐廳招牌-阿ROY牛肉麵。我覺得佢係我食過嘅牛肉麵當中做得最出色架，唔單止麵質夠爽口，牛肉夠軟淰。連個牛肉湯底都好完美，少少嘅辣味唔會蓋過牛肉味之餘，仲相當醒胃。之後想介紹嘅係魯肉貝果配地瓜條，蕃薯條炸得好脆且不油膩。而貝果配魯肉嘅配搭都好新鮮，食落去其實冇違和感架！最後飲品方面嘅質素都好好，黑糖薑茶喺呢個天氣飲有助驅寒，珍珠奶綠嘅珍珠都做得好Q彈！誠意推介大家嚟呢間新店度享受下台灣美食❤️