點心到 (鴻星大廈)

Open Now

Now Closed

同爹哋出咗去油麻地做嘢，見到呢間點心店，好耐之前食過佐敦店唔錯，就同爹哋入去食點心晚餐。蝦餃- 皮薄餡靚，蝦肉滿滿，爽口有蝦味。燒賣- 有原隻鮮蝦鋪面，賣相吸引，豬肉爽調味好。鮮蝦腐皮卷- 炸得腐皮好酥脆，餡料有蝦又有豬肉，仲有芫茜香味，沾喼汁食好正。韭黄鮮蝦腸- 腸粉皮薄得嚟又煙韌，會唔會淋啤啤一夾就爛，裏面隻蝦大大隻，新鮮爽口。卡通流心芋蓉包- 卡通表情有啲淺色甩色，賣相有待改善。餡食得出真係用芋頭做，唔係加色素嘅紫色，真材實料有淡淡嘅芋頭香氣。欖仁馬拉糕- 馬拉糕正常發揮，質地鬆軟得來係比較紮實嘅一種，蛋味甜味適中，上面仲有兩粒欖仁，如果再多啲就仲好。籠仔鳳爪排骨飯- 用荷葉鋪底，飯粒都吸左荷葉嘅香氣，而且粒粒分明，加上排骨同埋鳳爪嘅汁精華，呢個飯好好味。排骨肉質鬆化，鳳爪都大大隻而且入味。