西樹泡芙 (觀塘站)

Open Now

Now Closed

自從早排食左次泡芙之後，家下每逢見到西樹泡芙既分店都會心癢癢想食返個泡芙，因為泡芙又多口味又好味，每次都想試唔同口味。見今日經過地鐵站又遇到呢間店，就買左三個泡芙，拎返屋企同屋企人開心share…有好多唔同既口味，有簡單既吉士、忌廉口味，或以朱古力為主既口味，或以生果為主既口味，真係超多選擇，令我次次都要諗好耐先決定到買咩。今次我以生果為主，選了一件白桃吉士，一件芒果乳酪及一件士多啤梨乳酪。買三件裝仲有盒子，十分貼心，店員仲放入了冰包，可以冰住d泡芙，唔怕融。返到屋企同屋企人開心分享，一人一件相當開心，而且仍是凍凍的，好正。我選了白桃吉士，白桃甜甜的，十分juicy，而且吉士香又甜，好正，最愛泡芙的脆皮，好好味呢。而家人都說芒果乳酪及士多啤梨乳酪都相當好味，因為放置了滿滿的水果，芒果及士多啤梨又香又甜，份量又多，賣相又靚又好味。而且乳酪酸酸甜甜，相當開胃呢。期待下次再路過店舖，又可以再試其他口味了。