呂仔記 (Closed)

第一次嚟筲箕灣，好采有朋友帶頭，如果唔係要揾好野食都難，我哋第一站就嚟到呂仔記。朋友話呢間店d糖水好好食，本來想食芒果西米露，但芒果太濕熱，所以改試其他野。於是我就簡咗南瓜西米露，因為比較少見。不過佢冇熱既就有d 可惜，見佢由雪櫃拎出嚟，應該係煮定一大煲，然後雪係雪櫃，如果係即日都叫新鮮既。其實呢度糖水價錢都唔貴，就好似呢碗南瓜西米露咁，有大有細，大碗就28蚊，細既20蚊。味道方面，d南瓜蓉溶咗入個西米露當中，啖啖都有南瓜味，而且d南瓜粒好粉，雖然我覺得甜咗dd，但都值得再試。