家樂小廚 (Closed)

平時都好鍾意喺呢度食粥做早餐！不嬲都好愛佢呢度嘅及第粥特別係入面嗰粒嘅肉丸！係手打肉丸嘅感覺！雖然好多肥豬肉，但真係好香同埋好好味！碗粥入面仲有兩大舊豬潤，兩大舊嘅豬肚，兩大舊嘅豬腸粉，同埋兩粒肉丸！真係好足料！每一次都係食曬啲粥都仲有餸喺度。早餐最正嘅係：三十幾蚊仲可以加多個腸粉，炸兩，炒麵，或者其他嘢。今次就叫咗蝦腸，但就認真覺得麻麻哋。。。啲蝦其實都幾好食嘅！但係唔知點解蝦腸入面會有肉餅兩樣嘢真心唔係好夾！所以要讚嘅係佢既粥，個蝦腸就。。。。