倫敦大酒樓

Open Now

Now Closed

第一次在這裏吃春茗 ，對於舊式大酒樓， 本來沒有什麼期望， 但食落發覺又幾好。 傳統菜式分量足夠 ，賣相靚靚， 食材新鮮， 服務態度好 ，難怪生意咁好， 有一班長期捧場客。 這裏的舞台音響都不錯 ，可惜是有柱位， 遮擋了舞台部分視線 ，總的來說 ，整個春茗各方面都不錯， 值得推薦。菜式共有十個， 加兩個炒粉麵， 仲有水果盤， 保證食到飽飽， 仲可以打包 。最好味有芹菜彩椒腰果炒肉片 ，西蘭花炒花姿雞片，炸蝦球 ，蒸雙石斑魚 ，魚肚羹，靚北菇生菜， 碟雞就遜色少少 ，跟住個炒麵都好好食， 燒味拼盤就普通， 不過因為係最早上嘅菜， 一掃而空，因為大家都等到好肚餓。 當晚雖然擺咗好多圍， 但係啲侍應都非常盡責勤力 ，不停咁斟茶斟酒 ，換碟 ，個個都敬業樂業 ，酒席菜色雖然不是名貴的食材， 但新鮮好味好味就會食得開心 ，最後仲有水果盤， 可惜已經太夜喇 ，大家都歸心似箭， 希望下次啲酒席唔好太夜。