水門雞飯 (蟾宮大廈)

Open Now

Now Closed

朋友同我去銅鑼灣行街,之後話想食泰國菜,於是我地就去左一間好出名既食雞肉既泰國餐廳,呢間餐廳入面掛左泰國既畫同埋拳套等等既裝飾好靚,座位都算闊落,呢間餐廳上菜速度好快,一落單好快就已經有得食啦,我地叫左半隻水門雞肉,餐單可以自選要唔要雞肉既內臟如果唔鍾意食內臟可以自選唔要,水門雞肉勁軟淋,就算係雞胸部分都唔會好鞋口,點埋個特制醬汁好夾,仲有雞既湯汁會另外提供一碗,另外仲叫左一碗生牛肉牛丸炸豬皮船河,湯底味濃郁船麵醬,牛丸細細粒但牛肉味十足,生牛肉片都幾多,同埋仲叫左一份泰式燒腩仔,燒腩仔用左半煎炸方式煮,仲有特制既酸辣醬汁加埋超好食,半肥瘦肉岩岩好,小編推介泰式凍咖啡香濃咖啡味,仲可以自選多奶少奶,同埋少冰咁,多奶口感比較香滑。