巴辣仔烤魚雞煲 (加連威老道) (Closed)

一黎到巴辣仔環境唔錯，一黎就叫左原條烤魚，選擇了一條江團魚既酸菜味，食唔到辣既朋友可以跟我一樣揀BB辣，原條已經覺得好大條，魚肉夠入味夠香又唔會太辣岩岩好，重要係唔多細既魚骨，可以大大啖魚肉。眾多配料之中仲可以選擇多四樣餸去配搭條魚一齊食，任君選擇，金菇同薯仔等等都夠哂入味，我就喜歡配埋白飯食夠滋味。除此之外，仲可以加餸，叫咗美國肥牛卷同廣島豪，肥牛口感夠爽又唔會老。一碟有八隻大大隻既新鮮生豪，淥係魚香味既湯底，真係夠補身同！另外仲有大大杯野飲，真係大杯到成塊面咁大，真係好抵飲。雪燕桂花綠茶，養生得來又有口感！仲可以選擇不同甜度，另外桃膠桂花紅茶，桃膠夠滑桂花又香，飲每一啖都覺得好有意思！