坤記煲仔小菜

Open Now

Now Closed

香港人唔知係咪有一個秋冬時節就會有一個想飯煲仔飯嘅癮，今日癮一起就專程5點半嚟到西營盤嘅坤記排隊，食返個熱辣辣嘅煲仔飯。白鱔煲仔飯 ($105) - 白鱔夠肥美夠大件，鼓汁及辣椒好配白鱔，可以中和返肥膩感，，到於個飯先至係極品，煲底全部有燋香飯燋，脆口，飯燋有滿滿白鱔精華加埋煲仔飯的甜鼓油味，係超級美味，至於白飯煲得夠乾身之餘又帶白鱔油香，好食到停唔到口。臘味田雞煲仔飯 ($110) - 田雞嫩滑又彈牙好食，臘味我本人覺得份量有點點少但都好食嘅，始終西營盤都係一個海味乾貨習中地，臘味點可能攞唔到靚貨呀，此外臘味更可以帶動煲仔飯有更豐富油份使食味倍增，飯底同樣可口，油香更為豐富滋味。基本上嚟得坤記食任何煲仔飯都可以係包好食嘅，必試呢。