OPPA韓國燒肉店 (Closed)

你到大埔呢間專食燒肉店嘅oppa， 見到門面就覺得非常之韓式， 入邊座位好闊而且張枱又夠圓坐得就多人，啱曬一班friend嚟吹水食嘢，仲有近吸式抽油煙機，咁就唔使驚周身都係煙味啦， 真係好過上人哋屋企搞到成地油煙呀。呢個餐就跟咗一個頭盤，頭盤啲牛真係好吸引，本人就真係好鍾意個牛下腹腩， 油脂分佈平均， 而且比率極高差唔多去到九成都係油脂， 呢種牛水落去入口即溶好有牛肉味而且又好香， 就咁喺塊鐵板燒兩下已經食得。另外頭盤仲有唔少其他牛，佢哋都各有千秋有啲肉味重有啲比較嫩口，雖然盤唔係任食，但我食完頭盤之後都已經飽咗九成， 我見佢份量幾多。另外雖然個餐唔包任飲可樂， 但個人覺得佢個麥茶已經好足夠。其他配菜方面選擇都幾多而且質量都不過不失，整體嚟講呢間嘢食算性價比高而且幾好味。