廿一前 (Closed)

工作做個不停，收咗工真心想揾個地方食餐好嘅，於是約埋兩個死黨到荃灣市中心，係沙咀道與眾安街交界集合。朋友介紹不如近近地到旁邊嘅大鴻輝中心21樓廿一前食「火鍋放題」。到達餐廳時已八點，餐廳入面地方寬敞，燈光柔和，入座率幾乎有九成，由於第一次到此吃晚餐，給我的印象是整齊清潔企理！服務員禮貌地介紹菜式及湯底，朋友話上次她吃的是黑松露牛乳湯，覺得超好味。而另一位鐘情於櫻花龍蝦湯，所以我們加錢要了一個鴛鴦鍋湯底，咁難得來到一於食大啲，食好啲。我中午只吃了份三明治，所以兩種湯底一到，剛滾起，我就俾濃郁的香味吸引，食指大動，服務員很快送上刺身拼盤（放在小木船上）非常別緻，還有泰式生蝦，由於我地太肚餓，不到三分鐘已被我們掃清，還有冰鎮海鮮拼盤，有鮮蝦，帶子，生蠔及魷魚，每樣食材都很新鮮放題嘅食物款式好多，炸物串燒蔬菜丸類 應有盡有，特別欣賞餐廳店員細心講解，難怪客似雲來，已經同朋友約好了下次再嚟食過！