日新鮮豆漿

Open Now

Now Closed

呢度係上環少數有得賣粢飯既地方，想食就一定會黎呢度。店舖喺一條小小既內街，並唔起眼，但行到附近就一定會見到，因為每次去人龍都好長。今日食粢飯同飲紫米豆漿，有D運，買到最後一個粢飯。行返Office既路程約10分鐘，粢飯仍然夠熱，用膠紙包住，再加個袋仔，方便易食唔會整到隻手油笠笠。飯同餡料比例岩岩好，有唔少肉鬆、酸菜同油炸鬼，油炸鬼都夠脆，好易咬得開。太心急食唔記得左影相。紫米豆漿係紫色既，杯底約1/5係紫米，可以揀有糖或無糖。我揀左有糖，不過唔太甜，感覺健康，紫米都有一點點既甜味，好飲又好食。$29食到餐晏，又夠飽，性價比甚高。服務有人情味，店員記得熟客鐘意食咩，做野亦都好快手。