豪隍點心工房 (Closed)

豪惶點心真係冇得輸今日叫咗燒賣、蝦餃拼潮州粉果、珍珠雞同埋鳳爪排骨飯，仲有煎蓮藕餅蝦餃一籠兩隻，每隻都好大隻，食落有好多蝦，啲蝦好爽口，個皮厚薄適中啲燒賣又係好大粒，蝦同豬肉嘅比例剛好，係唔錯嘅燒賣鳳爪排骨飯，餓嘅份量足，對比上嚟鳳爪同埋排骨好似好少，不過味道亦唔錯珍珠雞都係好足料，而潮州粉果的餡料亦都非常充足，有沙角、花生同埋肉碎，皮亦唔會太濕最鍾意食呢度啲蓮藕餅，蓮藕細細粒，加埋魚肉，清爽得來，又食到嫩滑嘅魚肉，煎炸得好香脆整體來講，呢度啲點心唔錯，食完唔會要飲好多水，味精唔多，幾好