十三少酸菜魚 (Closed)

突然間好想食酸菜魚所以搵到呢間新開嘅餐廳！主打酸菜魚，其實主菜真係只得酸菜魚，所以真係非誠勿擾。選擇少，所以好快揀好，佢個魚有得揀辣或者唔辣，但無問我哋要咩辣度，而佢default個辣度都唔算好辣，不過唔食辣嘅朋友應該食唔到。講返正題，酸菜魚真係唔錯，魚好滑，完全唔腥，雖然食唔出佢用咩魚，但似幾新鮮嘅。啲酸菜都好好食，味道似大陸出名嗰啲酸菜魚，而且價錢非常合理，人均消費$150，講真，係香港食過十幾二十間酸菜魚，呢間會係我嘅頭三位。小食叫左皮蛋，無乜特別，某連鎖米線店個皮蛋好食啲。反而野飲方面啲冷泡茶幾好飲，不過呢間餐廳好似無酒類，想酸菜魚送酒嘅人要留意啦。