榮式燒雞扒 (屯門時代廣場北翼)

Open Now

Now Closed

中午去屯門行完街，諗住搵個地方食個飯，見到呢間餐廳幾多人排隊，食物睇落都唔錯，於是就即刻排隊！可能係午飯時段，都幾多人等位，大約等左１０分鐘左右先入到去。咁榮式燒雞扒，入到去緊係食雞排啦，入到去坐落諗都唔洗諗呀，餐牌都未睇就叫左個雞排飯先！上菜速度都好快，禁左５分鐘手機就送到。塊雞排質素都幾好，燒得好香(個人鍾意有少少燶)，又易咬，刀叉都唔洗用，係嫌多油左少少。雖然得塊雞排同個飯，但食落真係唔齋，因為ｄ汁撈飯真係一流！個飯加埋杯朱古力(味道一般)就50蚊左右，話貴唔貴，但抵唔抵就見人見智，食落味道就唔差既。但一個唔好既地方就係，地方非常非常非常窄！座位同座位之間好迫，真係轉個身都唔得，坐落真係唔舒服。