Video
Read full review
2025-02-12
0 views
天氣凍凍地好想食熱辣辣魯肉飯，去開觀塘買嘢諗起呢間台式小店，就決定帶老公去食晚飯。原來而家follow 社交平台仲有九折優惠添。薑蔥魯肉飯滷肉肥瘦適中，帶少少豬皮同埋肥膏，肥而不膩，本來就咁撈滷肉同埋滷肉汁已經好正，仲要加上大量生薑泥同埋蔥，好香，啱晒我口味，而且我覺得好啱冬天食。特盛紫菜排骨便當便當一上枱真係成座山咁差不多滿到瀉，除咗有大大塊酥炸排骨，仲有鵪鶉蛋、台灣腸、西蘭花、醃菜同埋大量紫菜。酥炸排骨香口，外面酥脆，裏面豬扒保持肉汁唔會韌。啲飯撈埋配料一齊食又係勁好味。脆炸鮮奶卷•古早芋泥二文治我好鍾意食芋泥，呢個真材實料唔會太甜，用酥脆餅仔夾住夾心咁樣食，口感好好，外脆內綿密。炸鮮奶卷都好好味，外面有啲似酥脆嘅蛋捲，裏面嘅鮮奶creamy充滿奶香。明明 - 我不是章魚燒個樣好似章魚燒，但係其實佢係類似炸花枝丸，中間有一粒大大嘅章魚粒，我哋揀咗呢個明太子味好日式，配上木魚，熱辣辣食好香。鹽酥雞球配酥炸花枝丸台灣嘢必食嘅小食就係鹽酥雞，呢度品質都係唔錯，配上花枝丸，好啱朋友一邊傾偈一邊食。台式飲品方面，我就揀咗養生嘅熱生薑桂圓紅棗茶，老公就揀咗凍古早奶茶。呢度仲有好多其他嘅特色台灣
薑蔥魯肉飯
滷肉肥瘦適中，帶少少豬皮同埋肥膏，肥而不膩，本來就咁撈滷肉同埋滷肉汁已經好正，仲要加上大量生薑泥同埋蔥，好香，啱晒我口味，而且我覺得好啱冬天食。
特盛紫菜排骨便當
便當一上枱真係成座山咁差不多滿到瀉，除咗有大大塊酥炸排骨，仲有鵪鶉蛋、台灣腸、西蘭花、醃菜同埋大量紫菜。酥炸排骨香口，外面酥脆，裏面豬扒保持肉汁唔會韌。啲飯撈埋配料一齊食又係勁好味。
脆炸鮮奶卷•古早芋泥二文治
我好鍾意食芋泥，呢個真材實料唔會太甜，用酥脆餅仔夾住夾心咁樣食，口感好好，外脆內綿密。炸鮮奶卷都好好味，外面有啲似酥脆嘅蛋捲，裏面嘅鮮奶creamy充滿奶香。
明明 - 我不是章魚燒
個樣好似章魚燒，但係其實佢係類似炸花枝丸，中間有一粒大大嘅章魚粒，我哋揀咗呢個明太子味好日式，配上木魚，熱辣辣食好香。
鹽酥雞球配酥炸花枝丸
台灣嘢必食嘅小食就係鹽酥雞，呢度品質都係唔錯，配上花枝丸，好啱朋友一邊傾偈一邊食。
台式飲品方面，我就揀咗養生嘅熱生薑桂圓紅棗茶，老公就揀咗凍古早奶茶。呢度仲有好多其他嘅特色台灣飲品選擇，下次可以再試。
Post
