Video
Read full review
2020-11-11
1115 views
本身我地兩個人諗住去一間西餐廳食晚飯，點知去到啲位俾人book晒，要等到八點九先有位。後尾喺附近搵嘢食，見到呢間小松鼠🐿️嘅二人套餐幾啱食同價錢唔太貴就入咗去。職員好有禮貌，似係高級餐廳既職員咁👍🏻👍🏻。我哋嗌左set a 黑松露薯條，西西里炸魚墨汁扁意粉同手打安格斯牛肉漢堡，同埋兩杯凍朱古力，成個set $178包埋餐湯同蒜蓉包，凍飲就加$4首先嚟咗兩碗蘑菇湯同兩塊蒜蓉包配醬🍞。蘑菇湯用一個淺碟裝住，分量唔算多，蒜蓉包烘得幾脆，個醬酸酸地幾開胃，不過就唔係好似平時嘅芝士味。係個staff收起啲嘢嘅時候先知係cheese。之後嚟咗黑松露薯條🍟，薯條既份量同平時嗰啲小食差唔多，一黎到都聞到幾香黑松露味🍄。之後再嚟咗魚柳墨汁扁意粉，個擺盤幾靚，魚柳上面有蕃茄醬，之後再有啲芝士碎。魚柳嘅份量一般，但係外脆內軟，外面炸得酥脆，入面唔會乾爭爭，幾好食😋。扁意粉嘅墨魚汁都幾多同有幾舊墨魚同蘑菇，其實無expect會有墨魚喺入面🤫，同埋黎到熱既，唔錯👍🏻食食下就黎左手打安格斯漢堡🍔，都幾大個，本身以為得個包，點知仲有埋沙律菜同薯條🍟，好大份，男仔食都唔會唔夠飽。啲薯條仲要熱辣辣🔥，岩岩炸起，好新鮮！沙
後尾喺附近搵嘢食，見到呢間小松鼠🐿️嘅二人套餐幾啱食同價錢唔太貴就入咗去。
職員好有禮貌，似係高級餐廳既職員咁👍🏻👍🏻。
我哋嗌左set a 黑松露薯條，西西里炸魚墨汁扁意粉同手打安格斯牛肉漢堡，同埋兩杯凍朱古力，成個set $178包埋餐湯同蒜蓉包，凍飲就加$4
首先嚟咗兩碗蘑菇湯同兩塊蒜蓉包配醬🍞。蘑菇湯用一個淺碟裝住，分量唔算多，蒜蓉包烘得幾脆，個醬酸酸地幾開胃，不過就唔係好似平時嘅芝士味。係個staff收起啲嘢嘅時候先知係cheese。
之後嚟咗黑松露薯條🍟，薯條既份量同平時嗰啲小食差唔多，一黎到都聞到幾香黑松露味🍄。
之後再嚟咗魚柳墨汁扁意粉，個擺盤幾靚，魚柳上面有蕃茄醬，之後再有啲芝士碎。魚柳嘅份量一般，但係外脆內軟，外面炸得酥脆，入面唔會乾爭爭，幾好食😋。扁意粉嘅墨魚汁都幾多同有幾舊墨魚同蘑菇，其實無expect會有墨魚喺入面🤫，同埋黎到熱既，唔錯👍🏻
食食下就黎左手打安格斯漢堡🍔，都幾大個，本身以為得個包，點知仲有埋沙律菜同薯條🍟，好大份，男仔食都唔會唔夠飽。啲薯條仲要熱辣辣🔥，岩岩炸起，好新鮮！沙律菜就普通沙律菜咁正正常常🥗，但都幾多！
個漢堡包烘得幾脆，入要有牛肉，煙肉，蕃茄，芝士同菜，好大個，味道都唔錯！
總括黎講，成個set都幾好味，又熱辣辣，而且好大份，性價比好高
而且，埋單既時候發現唔洗加一，感覺更加抵！
另外，餐廳職員十分有禮貌同專業，建議小松鼠可以收返加一！
所以，我會再去小松鼠幫襯。
相比起之前食既茜廊，茜廊嘅野食係伏中之伏，黑松露薯條嘅醬好似溝左醋咁，有怪味，而我自己整既意粉雖然無餐廳既水準，但都比茜廊好食好多，而且價錢又貴，仲要加一，真係好差！
西西里炸魚墨汁扁意粉
115 views
0 likes
0 comments
蘑菇湯 蒜蓉包加芝士醬 黑松露薯條
69 views
0 likes
0 comments
手打安格斯牛肉漢堡
41 views
0 likes
0 comments
Post
