柳氏家 (Closed)

兩三年無食過柳氏家，睇到報導話佢就結業就同朋友一齊再嚟食。以前係食完炒雞先再韓燒，所以我地為而家都係咁，一坐低就qr code落單二人份炒雞，等咗廿分鐘先嚟，點知好似廚餘咁嘅樣真係好過份，就執笠都唔係咁樣上枱掛。一個人食都嫌少，點樣兩人份？炒雞都係柳氏家嘅賣點嚟，咁嘅賣相仲要無味道，唔夠熱，真係非常失望。其他韓燒食物都正常，五花肉係比較好。而炸雞都好juicy，但我如果只為食韓燒炸雞又無乜必要嚟依度。