吉龍糖黑糖茶飲專賣店 (Closed)

假日落旺角，行行下想飲野，剛好來到登打士街，順便睇下有咩飲，見到一間台式飲品店吉龍糖，同屬台灣過江龍，主打黑糖茶飲，招牌貨是日本沖繩黑糖煮珍珠，聽落吸引好奇試下。 選擇不算太多，好快揀到心水。 友人的黑糖珍珠厚奶。 黑糖珍珠炭燒烏龍，$22，要了半糖半冰，烏龍口茶香醇厚，甘潤不苦，黑糖珍珠香甜，口感煙韌，味道不俗呢。 杯上有窩心的提示，飲品為新鮮製作，請儘早飲用確保絕佳，飲品內如含顆粒物，請慎用吸管，小心飲用。下次有機試奶茶。