Video
Read full review
2019-04-13
90 views
禮拜五放咗工，辛苦個禮拜，同一個同事打算去到尖沙咀一間幾多人食過話好正嘅西餐廳食翻餐勁嘅。呢間西餐廳其實係以食蠔出名，仲有其他好新鮮嘅時令海鮮供選擇，對於我呢啲極中意食刺身嘅人黎講真係留曬口水。呢間餐廳好似有兩間分店，我去果間位置真係偏僻咗少少，唔係開係人流比較旺嘅地方，係巷仔入面，可能真係要資深食客先至搵到。我地就梗係唔會放過海鮮喇，叫咗一個海鮮拼盤，龍蝦炒蛋同鵝肝芝士意粉。餐廳嘅服務好好，服務員都好耐心咁，根據我地嘅喜好，推介唔同嘅蠔比我地。首先就係個主角，海鮮拼盤，都係刺身形式，有四款蠔，每款兩隻，仲有地中海紅蝦，深海龍蝦仔，北海道帶子同赤貝，仲有一板馬糞海膽。呢到有樣好抵讚，就係佢會根據食材味道嘅濃淡程度，去按順序排好比顧客。我地首先食嘅三款蠔，第四款號係蠔王Belon，擺次係最未先食。按順序係Honey Point, Majestics, Gillardeau。啲生蠔真係好正，Honey Point雖然細細隻，但係蠔嘅鮮味係最突出嘅，好有礦物質味道，跟住就係Majestics,，大隻啲，肉質比較creamy，極之鮮甜，尤其係個帶子位，最後就係Gillardeau，夠曬肥美，
呢間餐廳好似有兩間分店，我去果間位置真係偏僻咗少少，唔係開係人流比較旺嘅地方，係巷仔入面，可能真係要資深食客先至搵到。
我地就梗係唔會放過海鮮喇，叫咗一個海鮮拼盤，龍蝦炒蛋同鵝肝芝士意粉。餐廳嘅服務好好，服務員都好耐心咁，根據我地嘅喜好，推介唔同嘅蠔比我地。
首先就係個主角，海鮮拼盤，都係刺身形式，有四款蠔，每款兩隻，仲有地中海紅蝦，深海龍蝦仔，北海道帶子同赤貝，仲有一板馬糞海膽。呢到有樣好抵讚，就係佢會根據食材味道嘅濃淡程度，去按順序排好比顧客。我地首先食嘅三款蠔，第四款號係蠔王Belon，擺次係最未先食。按順序係Honey Point, Majestics, Gillardeau。啲生蠔真係好正，Honey Point雖然細細隻，但係蠔嘅鮮味係最突出嘅，好有礦物質味道，跟住就係Majestics,，大隻啲，肉質比較creamy，極之鮮甜，尤其係個帶子位，最後就係Gillardeau，夠曬肥美，雖然蠔味唔會太濃，但肉質清爽，味道清甜，我都幾中意。三款生蠔各有特色，都好好味。跟住就食帶子同赤貝，雖然唔會話好似生蠔咁驚艷，但都食得出比起市面上嘅新鮮好多，好鮮甜。跟住再食紅蝦同龍蝦仔，講真紅蝦個味道真係嚇親我，我從來未食過蝦嘅刺身會好似紅蝦唔走咁，蝦味極之濃，肉質爽口，又夠曬大隻，成隻擺曬落口好滿足；另外個隻龍蝦仔亦都好好食，雖然話唔會似紅蝦蝦味咁濃，但係更加鮮甜，肉質就係有小小黏口嘅感覺，係完全另一嘅方向嘅好食。我地食埋都幾掂嘅海膽，跟住就試蠔王belon喇，都有小小期待，唔係成日有，價錢又係最貴嘅，食完之後我終於明白佢點解係蠔王。Belon有啲海水味，蠔味係極為濃烈，後勁好足，算係重口味，味道好霸道，食完有點回甘，果陣蠔味仲一直留係喉嚨頂同舌頭最末端嘅地方，一食完，成個口腔之前殘留嘅食物氣味全部無曬，只得Belon嘅蠔味，飲水都沖唔走，蠔王果然名不虛傳。
食新鮮嘅海鮮之後，係時候食熟野，龍蝦炒蛋整得好有水準，蛋炒得夠滑嫩，仲有少少蛋汁，估唔到龍蝦同蛋原來原來咁夾，龍蝦鮮甜濃郁嘅龍蝦味，令炒蛋食起身都有滋味，再加上有細細粒嘅洋蔥係到調味，鮮甜味更濃，層次更豐富，而且龍蝦肉都夠多，幾乎可以啖啖炒蛋，都有一細舊龍蝦，食起身好過癮好滿足。最後就係鵝肝意粉，其實講句真話，唔洗鵝肝已經夠曬好味，芝士個味道已經好夠曬濃郁香口，再加上鵝肝就真係完全無得彈，鵝肝嘅油分滲出來，同埋意粉一齊食，香味提升到另一個層次，真係超正。
我同同事食完都捧住個肚，都大讚好好味 。呢間以食蠔為主嘅餐廳真係好推薦大家黎，出品一流，食材新鮮，最緊要嘅係，據我了解，其實呢到食呢啲級數嘅生蠔同紅蝦等海鮮已經比出面其他同類嘅餐廳，價錢已經平咗，真係又好味又實惠，中意食刺身嘅朋友，真係好推薦你不妨係尖沙咀搵一搵呢間餐廳試下，包你食完都話正😃😃😃。
Post
