豪隍點心工房 (Closed)

武漢肺炎搞到我呢兩年都冇去酒樓飲茶，想食點心嘅話，只可以叫外賣~ 咁叫外賣都想叫間好食嘅~ 豪隍真係不二之選， 呢間真係好食~ 我地叫咗蝦餃，燒賣，鳳爪，排骨， 呢d基本嘢~ 蝦腸， 叉燒腸， 牛肉， 雞扎，金錢肚， 墨西哥叉燒包， 鵝肝醬咸水角， 沙律什果鮮蝦雲吞， 全部都好好食~ 佢個炸雲吞真係世界級，送到過嚟都仲係好脆，一咬落去勁大聲， 正到爆~ 佢嘅招牌蝦餃同燒賣緊係冇得頂啦，大大粒，大大隻蝦，真係好堅~ 其實佢全部點心都好好食，冇得挑剔。 我地仲叫咗甜品， 養顏紅棗糕同蜂蜜黑糖糕， 又係高質好食~一個字~ 正呀喂！！！