翡翠拉麵小籠包 (Closed)

屋企人鐘意食上海菜，鐘意上海菜平較清淡，無咁熱氣。今次黎叫左一個排骨拉麵，同屋企人share左一籠小籠包。鋪頭既招牌之一拉麵係手打手拉既，肉眼都可見每一條麵係有粗有幼。手拉令鋪頭既拉麵比一般中式麵硬身同有口感。雖然湯底係比較清淡，但係加上少少蔥花，加埋拉麵成個搭配好好味。排骨炸得恰到好處，外面香脆之餘，入邊個既肉質唔會老，而且keep到啲肉汁係入邊，食落去唔會乾身。鋪頭既另一個招牌小籠包亦唔會令人失望。皮簿之餘，餡料既口感好細嫩，雖然係豬肉為主既餡料，但係都唔會有膩既感覺。再加上包入面灌滿湯，一口食落去，小籠包既餡加埋好有鮮味既湯係口腔一面混和，非常美味。