幸圓

Open Now

Now Closed

慶祝結婚15周年，晚上一家人三大兩小隨意地搵左附近既餐廳試下！可能係平日，一入去顧客不多。見侍應已預備好兒童坐椅俾歲半BB，態度慇勤又親切。睇完餐牌，叫左3個餐加一小吃，有牛骨髓多士，牛扒十安士啱晒老公夠大件medium rare非常好，豬扒嫩又多芝麻係我杯茶！仲有魚生烏冬沙津。個餐有沙律跟，個汁非常鮮味，食到有柚子味道，另叫左3杯精美又好味既特飲。因為價錢過左一個數所以送左碟魚生，好得！最欣賞佢個牛骨髓多士，有6塊，bb都食得。全家人食完都好開心，有賓至如歸既感覺。下次會帶多d家人再食過。