意粉屋 (Closed)

話說婆婆一早打電話黎話想同阿 B 玩，夜晚就入咗荃灣同佢食飯。因為阿 B 架車太大可以泊到位嘅唔多，於是揀咗呢度貪佢坐得舒服啲。人地埋黎落 order 問我地食乜，婆婆突然好大聲爆咗句 "黎意粉屋一定要食酥皮"，waiter 哥哥都忍唔住笑咗。我地之後問返佢做咩唔係食意粉，佢話係熙熙 (阿 B 表哥) 教嘅。先講返食物，我地前菜係巴馬火腿奇異果多士跟菜沙律，婆婆話果片鬼佬金華火腿好啱食，老公都話呢個配搭幾好，菜就由我包辨，係少咗啲但係好食。見到以下呢個情景你估吓婆婆揀咗邊個? 登登登登..... 我一影完佢就一野窩落大果個度，仲問點解個湯無水但係咁多麵。查實細果個先係婆婆嘅酥皮海鮮湯，大果個係老公最愛的龍蝦仔扁意粉，不過呢~ 兩個都比婆婆篤到溶溶爛爛我都唔好意思再影了。個海鮮湯味道好濃好好味，入面好多料，基本上如果自己一個人淨係食呢個都應該已經飽咗。我地叫果陣無為意個龍蝦仔扁意粉都係有酥皮面，係好食仲太多就變得好膩了。可能因為預你點汁，個意粉係偏濕的，佢個汁食落似特濃龍蝦湯，好香又唔太鹹，好食!最後就係牛油果煙鴨胸 pizza，呢個味道清清地，個餅底夠薄夠脆，可以一試。成晚婆婆至 li