Video
Read full review
2014-10-31
2846 views
今日下午茶嚟呢間新開嘅店舖試下，事關見佢 $35 有主食 + 涼菜 + 飲品，好似好抵咁 由於小妹皮膚問題唔可以食辣，於是好小心問清楚店員有啲咩係唔辣的。店員 (用普通話話) 可以要求唔要辣。好啦！咁我就揀咗「麻醬涼麵」+「涼拌海帶絲」+「自家製熱茉莉花茶」。「麻醬涼麵」：麵質雖不至於彈牙，但都好爽身。麻醬落得好足，好香花生味，再拌以爽口青瓜絲，同幾粒非常香口的花生。推介推介！「涼拌海帶絲」：海帶絲夠爽身，拌以甘筍絲添色。入口麻油味香濃但又唔覺好肥膩，食幾啖後覺得有少許微辣同麻痺 (肯定落咗花椒)。我見只係丁咁多辣就由佢啦 (我開頭已講咗唔要辣的)。點知我食完麵再食返呢個，嘩，唔知係咪浸耐咗，食兩啖已經辣 + 麻到頂唔順。最終放棄！(唉！我都話唔要辣啦！)「自家製熱茉莉花茶」：熱辣辣好香茶味，但味道唔似香片咁濃，清清地幾好，可以沖走啲麻辣味。
由於小妹皮膚問題唔可以食辣，於是好小心問清楚店員有啲咩係唔辣的。店員 (用普通話話) 可以要求唔要辣。好啦！咁我就揀咗「麻醬涼麵」+「涼拌海帶絲」+「自家製熱茉莉花茶」。
「麻醬涼麵」：麵質雖不至於彈牙，但都好爽身。麻醬落得好足，好香花生味，再拌以爽口青瓜絲，同幾粒非常香口的花生。推介推介！
「涼拌海帶絲」：海帶絲夠爽身，拌以甘筍絲添色。入口麻油味香濃但又唔覺好肥膩，食幾啖後覺得有少許微辣同麻痺 (肯定落咗花椒)。我見只係丁咁多辣就由佢啦 (我開頭已講咗唔要辣的)。點知我食完麵再食返呢個，嘩，唔知係咪浸耐咗，食兩啖已經辣 + 麻到頂唔順。最終放棄！(唉！我都話唔要辣啦！)
「自家製熱茉莉花茶」：熱辣辣好香茶味，但味道唔似香片咁濃，清清地幾好，可以沖走啲麻辣味。
Other Info. :
食物可以 encore 的，但唔食辣嘅朋友要小心，一定要千叮萬囑叫店員 (廚房設計為 open kitchen，必要時可直接叫埋廚房) 唔要辣，或叫佢少辣。謹記、謹記！
仲有，嚟呢度食嘢要講普通話，或英文 (因為我見有外藉店員)。
(The above review is the personal opinion of a user which does not represent OpenRice's point of view.)
Post
