Little Cove Espresso

Open Now

Now Closed

堅離地城海傍隔離，有海景，餐廳樓底高，空間感強。接待員好友善，食物好，素食友善，會再翻嚟試其他嘢。朋友話上次嚟覺得好似西貢店好食啲，但今次有驚喜，食物味道好，份量亦好大，無限坐幾耐，我哋三個女士都好耐無見，傾咗好耐都無話要翻枱，整體滿意。因為我食素，仲要係純素，所以好少餐廳會有幾款純選擇，睇完餐牌已經有少少興奮。因為我好鍾意食麵包，亦好耐無食過炒蛋，所以揀咗炒豆腐配酸種麵包。我覺得食起上嚟都有啲似炒蛋，配菜就係青瓜牛油果，感覺都好健康。星期日我想獎勵下自己🤣仲嗌多咗杯抹茶拿鐵，轉豆奶，轉豆奶唔使冇加錢，開心。