由於價錢同服務都好不錯. 所以即刻再訂, 但已經是個幾月後.
1
食品跟上菜次序. 一黎就黎左呢個濃雞汁蘿蔔 $88阿媽朋友食過話推介. 所以今次約埋朋友四個人可以試多d野. 即刻叫左呢個蘿蔔.
可能我太過期望高. 其實蘿蔔係煮到軟硬適中. 完全唔係硬或者爽, 但又未至於係入口就溶.
煮得剛剛好. 食落去完全無負擔. 但就嫌個濃雞汁味道淡左少少.
伴菜係菜心. 亦都係煮到軟硬適中. 老人家都岩食.
招牌十景揚州炒飯 $98
有老人家關係. 所以一黎到分左兩碗先醒起影相.
個飯材料十足. 有蛋,有肉. 有火腿. 有菜粒等. 一碟絕對夠六人份量. 十分抵食.
炒得都幾乾身唔油. 呢個好味.
淮揚五福拼盤 $248
由於樣樣小食都想試, 呢個拼盤真係好, 可以一次過試五樣不同的小食. 包括女兒紅醉雞、鎮江冰官肴蹄、涼拌陳醋紅蜇頭、蘇式燻魚及四喜烤麩.
一樣一樣黎. 醉雞係我的至愛之一. 佢地的醉雞唔係冰凍個款. 都幾好肉但要小心骨. 酒味唔算濃. 怕酒味的應該都可以食到.
鎮江冰官肴蹄佢切得比較大件. 剛剛四件. 夠四人分. 不過不失.
涼拌陳醋紅蜇頭, 有青瓜一齊, 不過味道比較酸.
四喜烤麩, 味道不錯. 重伴有花生. 呢個好岩我口味.
最後係蘇式燻魚, 呢個我勁推介. 啖啖魚肉. 不過都要小心有骨但唔算多, 超入味. 愛重口味的呢個應該好岩胃口.
1
小籠包又係拎晒先醒起影相, 唔知係咪放耐左, 皮有d厚. 但都有湯汁. 食時要小心. 但若果能夠即蒸即食, 估計個皮唔會硬左.
1
最後呢個係圍方限定的荔枝蝦球 $88, 一場黎到梗係要食. 一出就出幾枱全部都係即叫即整, 熱辣辣. 出晒煙.個皮好脆. 咬落去卜卜聲. 裡面蝦肉反而比較淡味. 蝦味亦都唔係好出. 有少少失望. 不過外面的'薄荷葉?" 反而幾大味. 就算無入口都聞到.
