富盈廚坊雞煲．海鮮專門店 (Moved) New Location

之前睇到食評話呢間餐廳的雞煲好抵食，所以今次同大同REU就揀左黎呢度食雞煲喇呢度的雞煲有原味同辣味選擇，先講講原味啦！雞煲既汁滲入雞肉，雞肉夠滑嫩，食起上黎又唔怕味道太重，濃度岩岩好，唔會太咸！不過食雞煲又點可以唔食辣呀！想嘗試辣雞煲既朋友仔可以試下呢間餐廳的小辣雞煲！ 小辣都唔怕話太辣，所以唔食辣的朋友可以挑戰下呀！因為佢唔會係麻辣，應該可以頂得順架。最開心的係食完D雞有得添雞！！！個老闆真係好好人，我地不停添佢都照比我地！另外，當食完雞煲之後，可以加多d湯作打邊爐之用，富盈廚坊既火煱配料選擇都算多，例如牛肉，丸，蔬菜等等，任君選擇，個人推介花花芝士丸，外觀可愛之餘，丸夠彈牙，而且一咬落去，入面既芝士滿滿的流出黎，係好味既芝士軟心AvA！！而且，亦有多種飲品提供，例如汽水，韓國飲品，菊花茶等，咁就唔怕熱氣啦愛食雞煲既你，真心可以試下富盈廚坊，作為一個新選擇！