Video
Read full review
2007-10-27
21 views
好就要讚!! 差就要彈!! 平時差既食市, 我都冇乜特別評價, 好既我就成日介紹朋友去食, 遇到d冷門好食既正食市都會寫番幾句周園post下...但今日, 我寫呢一篇文並唔係想得到d咩既回應, 而係想大家有發生過類似既事既朋友, 唔好再啞忍na~ 因為, 如果你今日唔出聲提醒你既朋友, 聽日可能就由你朋友口中聽到相同既事... 係呢個年頭... 估唔到仲有呢咁既食市......= 食市=觀塘康寧道「景福宮韓日料理」= 評級=1, 環境(2/5) (部份固定坐位與固定枱間距離不足, 腳長者勿坐, 因不是頂而是坐不到) (窗邊的部份設計不錯) (多人位的位置比較怪)2, 味道(2/5) (韓燒... 不新鮮, 說甚麼也是假...) (大部份食物也是冰的...)3, 服務(1/5) (可以的話, 我想給零分, 因為我覺得自己完全像透明的)4, 抵食(3/5) (一般價格)5, 乾淨(1/5) (冰豬扒旁的冰蒼蠅, 有些還在飛的... 黏著壽司卷的小小黑昆蟲, 滿地也是黏和滑的油還是不知名的東西... 談不上乾淨兩字吧...)= 重點=1, 比人呃左坐低同計時.
平時差既食市, 我都冇乜特別評價, 好既我就成日介紹朋友去食, 遇到d冷門好食既正食市都會寫番幾句周園post下...
但今日, 我寫呢一篇文並唔係想得到d咩既回應, 而係想大家有發生過類似既事既朋友, 唔好再啞忍na~
因為, 如果你今日唔出聲提醒你既朋友, 聽日可能就由你朋友口中聽到相同既事...
係呢個年頭... 估唔到仲有呢咁既食市...
...
= 食市=
觀塘康寧道「景福宮韓日料理」
= 評級=
1, 環境(2/5)
(部份固定坐位與固定枱間距離不足, 腳長者勿坐, 因不是頂而是坐不到)
(窗邊的部份設計不錯)
(多人位的位置比較怪)
2, 味道(2/5)
(韓燒... 不新鮮, 說甚麼也是假...)
(大部份食物也是冰的...)
3, 服務(1/5)
(可以的話, 我想給零分, 因為我覺得自己完全像透明的)
4, 抵食(3/5)
(一般價格)
5, 乾淨(1/5)
(冰豬扒旁的冰蒼蠅, 有些還在飛的... 黏著壽司卷的小小黑昆蟲, 滿地也是黏和滑的油還是不知名的東西... 談不上乾淨兩字吧...)
= 重點=
1, 比人呃左坐低同計時...
2, 開哂火, 局當你開始左先應人...
(喂... 唔通你話唔可以等齊先計時, 我就會唔幫親咩, 就算唔幫親, 都唔應該咁呃人丫...)
3, 唔比換位...
(呀, 你話唔比我換張大枱就話jei, 換張細枱都耍我, 問題係好多張四人枱, 佢都要話比人book哂, 我有留意d人入尼個陣有冇話book位, 但就好明顯唔係book位law... 有兩三張枱仲到我臨走前無耐先有人坐...
4, 未燒住熄火又唔得...
5, 到燒時話要開大番個火, 又要比人話麻煩...
6, d人只會係你入鋪頭同埋單個時先會理你law...
7, d人只會係你入鋪頭坐低開火前係有服務態度only...
8, 明明有列明話"沒人輪候不在此限... 但就趕人走law...
= 詳細經過=
今日係朋友生日, 諗住兩三個人開開心心出尼食餐飯, 聚下舊咁...
咁朋友生日, 要朋友等又唔係咁好, 所以我就諗住自己先去到呢間食市度拎定位先,
但一去到門口, 見到話限時... 就決定問下可唔可以等朋友到齊先開始計時...
點知個女待應就話"冇問題la, 入尼坐底先啦..." 一坐低, 佢地兩三個人以極快手法係度起火...
跟住我話d朋友未到wor同埋隔離好嘈可唔可以換位, 因我地得三個人坐隔離張四人枱,
一來唔會霸住張枱, 二來又可以靜d (唔知做乜比左張六人枱我坐law...)... 但佢地扮聽唔到...
到set好哂na, 就一句"計時兩個鐘!!隔離有人book左...", 跟住我喂都喂唔切佢就走開左...
我睇住個火開到勁大... 心諗... 算la 都坐低左, 唔差在個十幾分鐘, 就諗住叫佢熄左火先,
但我舉極手都冇人理, 明明行過又扮睇唔到, 到我出到去佢地身邊講, 佢地都係扮聽唔到...
到我大聲好惡咁喂左一聲, 其它人望尼na, 佢先理我... 但係只講左句"熄左好難開番呀"...
呀... 我唔知有幾煩, 但我都話左朋友未到la... 死都要開火先,
咁較細d都得掛, 佢應都唔應就走去熄到最細...
過左五至十分鐘... 我睇住塊板由銀色有油燒到啡黑色乾哂, 外圍個d湯都滾哂...
我真係好無奈... 朋友終於尼到na, 對住個塊啡黑色乾哂既板... 我唯有問佢地拎d油...
結果又等左五至十分鐘... 叫佢較大番個火, 又呢個堆個個, 搵到個人尼較大na, 又大叫麻煩... (= =")
個半鐘後... 有個人走尼話要埋左單先, 咁好la, 埋law...
走埋尼叫埋單又解釋一輪話就夠鐘, 又話幾多點幾多分入座, 一間幾多點幾多分就要走, 態度勁惡law...
但係張枱紙寫住"限時2小時, 無人輪侯則不在此限"
我諗都算la, 我都明白如果一間有人等就方便d叫我走...
跟住一埋左單, d 人收碟勁冇禮貌, 我專登搵隻碟放住d夾呀, 匙呀咁...
個人收碟時一扯就收走隻碟, 完全冇理會個隻比佢整到跌左落枱的匙就走左去...
(匙,我係放得好整齊, 即係比到人覺得係用緊咁ga law) 我好無奈,
個隻匙我係用尼食甜品ga... 拎住杯甜品...
再望住個隻黏滿枱面污穢的鮮肉汁, 同油既匙...
我真係好嬲la, 終於嬲la...
過左陣佢走尼熄左我個火, 我指住枱面張紙個句
"限時2小時, 無人輪侯則不在此限"
就鬧左一句
"你好趕嗎? 都冇人等!!"
但佢又係扮聽唔到...
= =" 今日真係食得好唔開心law...
Post