麗姐廚房

Open Now

Now Closed

聽呢間餐廳已經好耐，首次試食，屬於大家近期很喜愛的三餸飯的Friend。上樓素食，付款後，排隊揀3個齋餸，連餐湯＄55。各人自己有一盤餐的半自助式中式素食餐廳。白飯及老火湯，任飲任食。但我們今日選擇叫餸食飯，食得好啲，但都好抵食，分量多到驚人，建議四人以上，才好叫餸食飯。素碗仔翅，好味！非常大盤而且料頭十足！抵。飲完頭啖湯，已經飽三成。叉燒，麵筋質地，比街外外賣齋鹵味稍為冧身，口感好點像肥叉燒的質地感覺。而且用欖角爆香，增加咗不少獨特的風味，加熱了，增加滋味。呢個值得一讚。我推薦大家試這個叉燒！南乳齋煲，分量多到滿瀉，粉絲豆卜，總之應有盡有。而且唔會太多南乳，不會太過喊。素湯餃子，裏面係蕃茄粟米餡，不知是否粟米是罐頭粟米蓉，本人覺得太甜。而且冇乜特別，反而幾條菜心，有菜心嘅甜味，仲正。炒飯，唔記得咗乜嘢炒飯，但係炒到好濕，麻麻哋。而且炒米粉，是幼身米粉，炒得乾身，大家可以試。煎蓮藕餅，有六件，比較乾略硬，普普通通啦。由於每碟份量都好大，所以食完都已經好飽。如果冇四個人，或者冇男士，要小心啲，避免浪費。總之，大件夾抵食，大眾化價錢，味道亦唔錯，可以啦。