Video
Read full review
2009-08-09
30 views
食完咁耐, 已家先寫番食評, 希望各位食家仲用得著啦!之前上網睇到美心集團有呢款特價套餐, 逢星期一至五, 六人餐只需$888, 恒生信用咭仲有85折優惠, 見個餐有咁多款菜式, 好似去飲咁, 我同班朋友當然唔可以錯過啦! 話晒係美心, 質素一定有保證!!當晚準時7點去到, 估唔到平日晚飯時間, 呢間映月樓都居然滿座, 真係睇少佢! 不過我一早訂了要窗口位置, 但接待員卻沒有為我們安排, 頗為失望! 好在一路等朋友入座, 一路見到有唔少飯客埋單走人, 我睇準機會便要求換較好位置的窗口夜景枱, 好在侍應們都好好人, 不介意為我們換枱執位!! 另外要提大家, 這款套餐餐牌, 當晚並沒有放在枱上供食客選擇, 我們只好問詢問經理是否有這個餐, 他才"醒目"地拿出餐牌來給我們看, 咁抵食!! 無理由收埋唔比食客揀喎!!講番餐飯, 我們一行5人, 點了這個6人餐, 當初以為每款菜式只有一人一件"淺嘗", 誰不知這個餐份量十足!! 燒味拼盤有齊雞鵝叉燒海蜇等等五六款, 帶子盒(即係類似炸蝦丸) 每人約有兩三粒, 翠玉炒蝦仁大大隻, 仲要係爽脆, 又係每人唔知一兩隻咁少! 瑤柱甫同鮮東菇扒翡翠(即係生
之前上網睇到美心集團有呢款特價套餐, 逢星期一至五, 六人餐只需$888, 恒生信用咭仲有85折優惠, 見個餐有咁多款菜式, 好似去飲咁, 我同班朋友當然唔可以錯過啦! 話晒係美心, 質素一定有保證!!
當晚準時7點去到, 估唔到平日晚飯時間, 呢間映月樓都居然滿座, 真係睇少佢! 不過我一早訂了要窗口位置, 但接待員卻沒有為我們安排, 頗為失望! 好在一路等朋友入座, 一路見到有唔少飯客埋單走人, 我睇準機會便要求換較好位置的窗口夜景枱, 好在侍應們都好好人, 不介意為我們換枱執位!!
另外要提大家, 這款套餐餐牌, 當晚並沒有放在枱上供食客選擇, 我們只好問詢問經理是否有這個餐, 他才"醒目"地拿出餐牌來給我們看, 咁抵食!! 無理由收埋唔比食客揀喎!!
講番餐飯, 我們一行5人, 點了這個6人餐, 當初以為每款菜式只有一人一件"淺嘗", 誰不知這個餐份量十足!! 燒味拼盤有齊雞鵝叉燒海蜇等等五六款, 帶子盒(即係類似炸蝦丸) 每人約有兩三粒, 翠玉炒蝦仁大大隻, 仲要係爽脆, 又係每人唔知一兩隻咁少! 瑤柱甫同鮮東菇扒翡翠(即係生菜)就普普通通(可能到尾聲已吃得太飽!) 翅有得添食! 霸皇雞就真係麻麻地, 無燒味咁出色!! 最尾荷葉飯都幾好味, 可惜只有一人一碗!! 到甜品, 珍珠露都做得唔錯, 因為我o地有5個人, 每人分到一大碗!
雖然我們都幾大食, 但吃到最尾都只係"盡人事"食埋落去, 癈事打包!! 可能6個人來會剛剛好!! 但說實話, 這個餐真係大件夾抵食!! 一定唔會吃唔飽!! 唔似其他酒家所賣的套餐, 每款菜式每人只有一小件"品嘗"!!! 這間絕對有誠意!! 美心始終有質素保證!! 無關乎我擺結婚酒都一定要揀番美心集團吧!!!
Post