好味皇茶餐廳

Open Now

Now Closed

今日本來同班朋友約左去呢間茶餐廳隔離既添好運食野,點知成班朋友冇一個BOOK枱, 更加估唔到呢間野真係咁犀利六點幾去到,排哂長龍,都唔知要等到幾時。最後等到七點幾都未有位,就去左呢間好味皇茶餐廳醫肚。 雖然話係茶餐廳,但有得食既野都幾多,大排檔小炒同海鮮都有,成班朋友都好肚餓,一行八個人,叫左10碟野黎食, 有碟叫做香芒鮮蝦球,一碟八粒,每人一粒岩岩好. 外貌同一酒樓既炸蝦球冇乜分別,但係咬到入面,有大大粒芒果肉,酸酸甜甜,我平時冇乜食開炸野,因為覺得好熱氣,都覺得呢個蝦球好食,可能因為有粒芒果中和下,成個感覺冇咁乾。另外有一碟,鹹魚煎肉餅, 材料應該同普通蒸肉餅冇乜分別,但係煎出黎既效果好好,好香口又野味,送飯一流,係出面都係過差唔多既煎肉餅,但一定冇呢個咁野味。 其餘D野食都算係不過不失,但係好似口味偏重,因為今次大家太肚餓,好快就食完,冇影到相,但係下次應該會再黎,因為有朋友話想試下個黃金墨魚餅,最重要既係 埋單每人都係百幾蚊,當中仲有賴尿蝦,炒蟹,炒蜆等海鮮,可以話係十分抵食。